Қазақстан Республикасы Президентiнiң 2011 жылғы 3 наурыздағы N 1163 Жарлығы
Белгiленген әскери қызмет мерзiмiн өткерген мерзiмдi әскери қызметтегi әскери қызметшiлердi запасқа шығару және Қазақстан Республикасының азаматтарын 2011 жылдың сәуiр-маусымында және қазан-желтоқсанында кезектi мерзiмдi әскери қызметке шақыру туралы

«Әскери мiндеттiлiк және әскери қызмет туралы» Қазақстан Республикасының 2005 жылғы 8 шiлдедегi Заңына сәйкес қаулы етемiн:
1. Белгiленген әскери қызмет мерзiмiн өткерген мерзiмдi әскери қызметтегi әскери қызметшiлер 2011 жылдың сәуiр-маусымында және қазан-желтоқсанында Қазақстан Республикасының Қарулы Күштерi, Қазақстан Республикасы Iшкi iстер министрлiгiнiң Iшкi әскерлерi, Қазақстан Республикасы Ұлттық қауiпсiздiк комитетi, Қазақстан Республикасы республикалық Ұланы, Қазақстан Республикасы Төтенше жағдайлар министрлiгi қатарынан запасқа шығарылсын.
2. Әскерге шақыруды кейiнге қалдыруға немесе босатуға құқығы жоқ он сегiз жастан жиырма жетi жасқа дейiнгi ер азаматтар, сондай-ақ оқу орындарынан шығарылған, жиырма жетi жасқа толмаған және әскерге шақыру бойынша белгiленген әскери қызмет мерзiмдерiн өткермеген азаматтар 2011 жылдың сәуiр-маусымында және қазан-желтоқсанында Қазақстан Республикасының Қарулы Күштерiне, Қазақстан Республикасы Iшкi iстер министрлiгiнiң Iшкi әскерлерiне, Қазақстан Республикасы Ұлттық қауiпсiздiк комитетiне, Қазақстан Республикасы республикалық Ұланына, Қазақстан Республикасы Төтенше жағдайлар министрлiгiне мерзiмдi әскери қызметке шақырылсын.
3. Жергiлiктi атқарушы органдар тиiстi жергiлiктi әскери басқару органдары арқылы 2011 жылдың сәуiр-маусымында және қазан-желтоқсанында азаматтарды мерзiмдi әскери қызметке шақыруды жүргiзудi ұйымдастырсын және қамтамасыз етсiн.
4. Қазақстан Республикасының Үкiметi, Қазақстан Республикасы Ұлттық қауiпсiздiк комитетi, Қазақстан Республикасы республикалық Ұланы мерзiмдi әскери қызметтi өткеру үшiн Қазақстан Республикасы Қарулы Күштерiне, Қазақстан Республикасы Iшкi iстер министрлiгiнiң Iшкi әскерлерiне, Қазақстан Республикасы Ұлттық қауiпсiздiк комитетiне, Қазақстан Республикасы республикалық Ұланына, Қазақстан Республикасының Төтенше жағдайлар министрлiгiне әскерге шақырылған Қазақстан Республикасының азаматтарын жөнелтудi және белгiленген мерзiмдi әскери қызмет мерзiмдерiн өткерген әскери қызметшiлердi босатуды қаржылай және материалдық қамтамасыз етудi ұйымдастырсын.
5. Осы Жарлық алғашқы ресми жарияланған күнiнен бастап қолданысқа енгiзiледi.

Қазақстан Республикасының
Президентi Н. Назарбаев