Қазақстан Республикасы Президентiнiң 2012 жылғы 8 сәуiрдегi № 294 Жарлығы
Қазақстан Республикасы Президентiнiң "Қазақстан Республикасының мемлекеттiк органдары жүйесiн одан әрi оңтайландыру жөнiндегi шаралар туралы" 1999 жылғы 22 қаңтардағы № 29 және "Республикалық бюджеттiң атқарылуын бақылау жөнiндегi есеп комитетi туралы ереженi бекiту туралы" 2002 жылғы 5 тамыздағы № 917 жарлықтарына өзгерiстер мен толықтырулар енгiзу туралы

Қазақстан Республикасы Президентi
мен Үкiметi актiлерiнiң жинағында
жариялануға тиiс

ҚАУЛЫ ЕТЕМIН:
1. Қазақстан Республикасы Президентiнiң мынадай жарлықтарына өзгерiстер мен толықтырулар енгiзiлсiн:
1) «Қазақстан Республикасының мемлекеттiк органдары жүйесiн одан әрi оңтайландыру жөнiндегi шаралар туралы» Қазақстан Республикасы Президентiнiң 1999 жылғы 22 қаңтардағы № 29 Жарлығына (Қазақстан Республикасының ПҮАЖ-ы, 1999 ж. № 1, 2-құжат; 2000 ж., № 54, 593-құжат; 2001 ж., № 1-2, 2-құжат; № 4-5, 43-құжат; 2002 ж., № 26, 272-құжат; № 45, 445-құжат; 2003 ж., № 12, 130-құжат; № 16, 160-құжат; 2004 ж., № 13, 166-құжат; № 21, 267-құжат; № 27, 344-құжат; № 48, 590-құжат; 2005 ж., № 16, 189-құжат; № 27, 329-құжат; № 30, 380-құжат; № 49, 623-құжат; 2006 ж., № 7, 50-құжат; № 26, 264-құжат; № 28, 299-құжат; № 30, 320-құжат; 2007 ж., № 30, 330-құжат; № 33, 361-құжат; 2008 ж., № 10, 105-құжат; 2009 ж., № 5, 13-құжат; 2010 ж., № 27, 205-құжат; № 51, 466-құжат; 2011 ж., № 2, 12-құжат; № 34, 408-құжат):
жоғарыда аталған Жарлыққа 1-қосымшада:
«Республикалық бюджеттiң атқарылуын бақылау жөнiндегi есеп комитетiнiң аппараты «86» деген жол мынадай редакцияда жазылсын:
«Республикалық бюджеттiң атқарылуын бақылау жөнiндегi есеп комитетiнiң аппараты «132»;
2) «Республикалық бюджеттiң атқарылуын бақылау жөнiндегi есеп комитетi туралы ереженi бекiту туралы» Қазақстан Республикасы Президентiнiң 2002 жылғы 5 тамыздағы № 917 Жарлығына (Қазақстан Республикасының ПҮАЖ-ы, 2002 ж., № 26, 273-құжат; 2005 ж., № 20, 236-құжат; 2009 ж., № 5, 13-құжат; 2010 ж., № 43, 385-құжат; 2011 ж., № 52, 711-құжат):
жоғарыда аталған Жарлықпен бекiтiлген Республикалық бюджеттiң атқарылуын бақылау жөнiндегi есеп комитетi туралы ережеде:
8-тармақта:
3) тармақшада:
он бiрiншi абзац мынадай редакцияда жазылсын:
«квазимемлекеттiк сектор субъектiлерiне бөлiнген республикалық бюджет қаражатын олардың пайдалануының қаржы-экономикалық негiздемеге сәйкестiгiне;»;
мынадай мазмұндағы он екiншi абзацпен толықтырылсын:
«акциялары (қатысу үлестерi) мемлекетке тиесiлi квазимемлекеттiк сектор субъектiлерiнiң активтерiн басқару тиiмдiлiгiне бақылауды жүзеге асырады;»;
4) тармақшаның үшiншi абзацындағы «бағалауды жүзеге асырады» деген сөздер алып тасталып, мынадай мазмұндағы төртiншi абзацпен толықтырылсын:
«бюджеттiк инвестициялардың тиiмдiлiгiне бағалауды жүзеге асырады;»;
15) тармақша мынадай редакцияда жазылсын:
«15) Қазақстан Республикасының Президентiне бақылау объектiлерiнiң лауазымды адамдарының Қазақстан Республикасының нормативтiк құқықтық актiлерiн сақтамауының анықталған фактiлерi бойынша, оның iшiнде тиiмдiлiктi бақылау нәтижелерi бойынша ұсынымдар енгiзедi, сондай-ақ лауазымды адамдарды тәртiптiк жауаптылыққа тарту туралы тиiстi мемлекеттiк органдарға немесе оларды тағайындаған адамдарға ұсыныстар енгiзедi;»;
10-тармақтың 9) тармақшасы мынадай редакцияда жазылсын:
«9) Есеп комитетiнiң тәуекелдердi басқару жүйесiн және қызметiнiң регламентiн бекiтедi;»;
19-1-тармақтың бiрiншi бөлiгi мынадай редакцияда жазылсын:
«19-1. Есеп комитетiнiң қызметi Есеп комитетiнiң Төрағасы бекiтетiн жылдық және тоқсандық жоспарларға сәйкес жүзеге асырылады.»;
21-2-тармақтың 4) тармақшасы мынадай редакцияда жазылсын:
«4) квазимемлекеттiк сектор субъектiлерiне бөлiнген республикалық бюджет қаражатын олардың пайдалануының қаржы-экономикалық негiздемеге сәйкестiгiн, бюджеттiк инвестициялардың тиiмдiлiгiн, акциялары (қатысу үлестерi) мемлекетке тиесiлi квазимемлекеттiк сектор субъектiлерiнiң активтерiн басқару тиiмдiлiгiн;».
2. Осы Жарлық қол қойылған күнiнен бастап қолданысқа енгiзiледi.