| Инструкции | |
 |
|
|
Қазақстан Республикасы Ауыл шаруашылығы министрінің 2010 жылғы 31 наурыздағы № 213 бұйрығымен бекітілген Агроөнеркәсіптік кешен қызметкерлерін көтермелеу жөніндегі нұсқаулық 1. Жалпы ережелер 1. Осы Агроөнеркәсіптік кешен қызметкерлерін көтермелеу жөніндегі нұсқаулық (бұдан әрі - нұсқаулық) «Агроөнеркәсіптік кешенді және ауылдық аумақтарды дамытуды мемлекеттік реттеу туралы» Қазақстан Республикасының 2005 жылғы 8 шілдедегі Заңының 6-бабы 1-тармағының 24) тармақшасы және «Мемлекеттік қызмет туралы» Қазақстан Республикасының 1999 жылғы 23 шілдедегі Заңының 3-бабы 1-тармағының 13) тармақшасы негізінде агроөнеркәсіптік кешен қызметкерлерін (бұдан әрі - қызметкерлер) және агроөнеркәсіптік кешеннің кәсіпорындары мен ұйымдарының еңбек ұжымдарын (бұдан әрі – еңбек ұжымдары) көтермелеу мақсатында әзірленді. 2. Үздік қызметкерлер және еңбек ұжымдары: 1) Қазақстан Республикасы Ауыл шаруашылығы министрлігінің Құрмет грамотасымен; 2) Қазақстан Республикасы Ауыл шаруашылығы министрінің Алғысымен көтермеленеді. 3. Қазақстан Республикасы Ауыл шаруашылығы министрлігінің Құрмет грамотасы және Қазақстан Республикасы Ауыл шаруашылығы министрінің Алғысы ведомстволық наградалар болып табылады. 4. Көтермелеуге қызметкерлерді және еңбек ұжымдарын іріктеу өлшемдері мыналар болып табылады: 1) Қазақстан Республикасы Ауыл шаруашылығы министрлігі (бұдан әрі - Министрлік) салаларын дамытуға, Қазақстан Республикасы Президентінің және Қазақстан Республикасы Премьер - Министрінің агроөнеркәсіптік кешен саласындағы саясатын іске асыруға елеулі үлес қосу; 2) өндіріске аграрлық ғылымның жетістіктерін енгізу, аса құнды өнер табыстарының болуы; 3) лауазымдық міндеттерді адал, үлгілі орындау, сондай-ақ, аса маңызды және күрделі тапсырмаларды орындау; 4) кәсіби қызметте жоғары жетістіктерге жету, мемлекеттік басқарудың жаңа үдемелі әдістерін енгізу. 5. Қызметкерлерді және еңбек ұжымдарын көтермелеу мереке күндерге: Қазақстан Республикасының Конституция күніне, Қазақстан Республикасының Тәуелсіздік күніне, Ауыл шаруашылығы қызметкері күніне және қызметкерлердің мерейтой күндеріне орайластырылуы мүмкін. 2. Министрліктің Құрмет грамотасы 6. Министрліктің Құрмет грамотасымен адал жұмысы, кәсіби шеберлігі, саланың алдына қойылған міндеттерді орындауға қосқан жеке үлесі үшін және аталған ұжымда кемінде 5 жыл еңбек өтілі бар қызметкерлер, сондай-ақ, жұмыстағы жоғары көрсеткіштері үшін еңбек ұжымдары марапатталады. 7. Министрліктің Құрмет грамотасымен марапаттау туралы шешімді Министрліктің, оның ведомстволарының және аумақтық органдарының құрылымдық бөлімше басшыларының, жергілікті атқарушы органдардың, басқа да ұйымдардың ұсыныстары бойынша Қазақстан Республикасы Ауыл шаруашылығы министрі (бұдан әрі – Министр) қабылдайды. Министрліктің Құрмет грамотасымен марапаттау үшін келесі мерейтой күндері белгіленеді: қызметкерлер үшін 50 және 60 жас, ал еңбек ұжымдары үшін 20 жыл және ары қарай әр он жыл сайын. 8. Министрліктің Құрмет грамотасына Министр қол қояды. 3. Министрдің Алғысы 9. Қызметкерлер мен еңбек ұжымдарына: 1) аса маңызды және күрделі тапсырмаларды орындағаны үшін; 2) Министрліктің атаулы тапсырмаларын тиісті деңгейде және адал орындағаны үшін; 3) өндіріске аграрлық ғылымның жетістіктерін енгізгені, аса құнды өнертабыстары үшін Министрдің атынан Алғыс жарияланады. 10. Алғыстың ресми мәтініне Министр қол қояды. 4. Министрліктің Құрмет грамотасымен және Министрдің Алғысымен марапаттау 11. Құрмет грамотасымен марапаттауға ұсынылған қызметкерлерге нақты сіңірген еңбегін көрсете отырып, осы нұсқаулыққа 1-қосымшаға сәйкес ұсыныс ресімделеді. Еңбек ұжымдарын марапаттау кезінде осы нұсқаулыққа 2-қосымшаға сәйкес ұсыныс ресімделеді. 12. Министрдің алғысын жариялау үшін Министрлікке қызметкерлердің немесе еңбек ұжымдарының нақты еңбектерін сипаттай отырып, еркін нысанда қолдау хат жолданады. 13. Министрліктің қарамағындағы, сондай-ақ, орталық мемлекеттік органдар қарамағындағы ұйымдар Министрлікке бірінші басшысының қолымен марапаттау туралы ұсыныс және қолдау хат жібереді. 14. Меншік нысанына қарамастан агроөнеркәсіптік кешен ұйымдары, агроөнеркәсіптік кешен саласында қызмет ететін жеке тұлғалар агроөнеркәсіптік кешен саласындағы жергілікті атқарушы органдарға марапаттау туралы ұсыныс және қолдау хат береді, олар облыс әкімдерінің қолымен Министрлікке жіберіледі. 15. Марапаттау туралы ұсыныстар мен қолдау хаттар Министрлікке мерекелік, мерейтой күндеріне дейін 30 күнтізбелік күннен кешіктірілмей жолданады. 16. Құрмет грамотасымен марапаттау және Алғыс жариялау Министрдің бұйрығымен жүргізіледі. 17. Министрліктің құрмет грамотасын тапсыру және Алғыс жариялау мерекелік жағдайда Министрлікте немесе марапатталатын қызметкер жұмыс істейтін еңбек жүзеге асырылады. 18. Қызметкерлерді және еңбек ұжымдарын көтермелеудің барлық түрлерінің есебін Министрліктің кадр қызметі жүзеге асырады. 19. Министрліктің Құрмет грамотасын және Министрдің Алғысын жоғалтып алған жағдайда, олардың телнұсқасы берілмейді. 5. Қорытынды ережелер 20. Министрліктің Құрмет грамотасымен марапаттауға және Министрдің Алғысын жариялауға тәртіптік жазаға тартылған тұлғалар жатпайды. 21. Мемлекеттік немесе ведомстволық наградамен марапатталған тұлғалар соңғы марапатталғаннан кейін үш жыл өткен соң Құрмет грамотасымен марапаттауға ұсынылуы мүмкін. Агроөнеркәсіптік кешен қызметкерлерін көтермелеу жөніндегі нұсқаулыққа 1-қосымша Нысан Агроөнеркәсіптік кешен қызметкерлерін Қазақстан Республикасы Ауыл шаруашылығы министрлігінің Құрмет грамотасымен марапаттауға ЎСЫНЫС 1. Тегі, аты, әкесінің аты ______________________________________ 2. Туылған күні _________________________________________________ 3. Білімі _______________________________________________________ _________________________________________________________________ (ЖОО-ның атауы және бітірген күні) 4. Жұмыс орны, атқарып отырған қызметі __________________________ 5. Жалпы еңбек өтілі, саладағы еңбек өтілі, аталған еңбек ұжымындағы еңбек өтілі _____________________________________________________ 6. Тәртіптік жазаға тартылған ба? _______________________________ (қашан тартылған) 7.Мінездеме _____________________________________________________ (нақты еңбектерін көрсете отырып) _________________________________________________________________ _________________________________________________________________ _________________________________________________________________ Басшының қолы М.О. Агроөнеркәсіптік кешен қызметкерлерін көтермелеу жөніндегі нұсқаулыққа 2-қосымша Нысан Агроөнеркәсіптік кешеннің кәсіпорындары мен ұйымдарының еңбек ұжымдарын Қазақстан Республикасы Ауыл шаруашылығы министрлігінің Құрмет грамотасымен марапаттауға ЎСЫНЫС 1. Кәсіпорынның немесе ұйымның толық атауы ______________________ _________________________________________________________________ _________________________________________________________________ 2. Аталған кәсіпорынның немесе ұйымның құрылған күні ____________ 3. Кәсіпорында жұмыс істейтіндердің саны _________________________ 4. Кәсіпорынның немесе ұйымның соңғы 5 жылдағы негізгі көрсеткіштері _________________________________________________________________ _________________________________________________________________ _________________________________________________________________ _________________________________________________________________ _________________________________________________________________ _________________________________________________________________ Басшының қолы М.О. |
