|
 Қосылған құн салығының артуын қайтару мақсатында Тәуекелдердi басқару жүйесiн қолдану жөнiндегi нұсқаулық
Қазақстан Республикасы Қаржы министрiнiң 2010 жылғы 29 шiлдедегi № 385 бұйрығымен бекiтiлген Қазақстан Республикасы
Қаржы министрiнiң
2010 жылғы 29 шiлдедегi
№ 385 бұйрығымен
бекiтiлген Қосылған құн салығының артуын қайтару мақсатында Тәуекелдердi басқару жүйесiн қолдану жөнiндегi нұсқаулық 1. Осы Нұсқаулық «Салық және бюджетке төленетiн басқа да мiндеттi төлемдер туралы» Қазақстан Республикасының Кодексiне (Салық кодексi) сәйкес әзiрлендi және қайтаруға жататын ҚҚС артуын растау мақсатында қосылған құн салығының (бұдан әрi – ҚҚС) артуын қайтару туралы талаптарды (салық өтiнiштерiн) табыс еткен салық төлеушiлердi тәуекелдер деңгейiне жатқызу тәртiбiн нақтылайды.
2. Осы Нұсқаулық ҚҚС артуын қайтару туралы талаптарға (салық өтiнiштерiне) сәйкес қайтаруға табыс еткен ҚҚС сомаларының дұрыстығын растау бойынша жоспардан тыс салық тексерулерiн жүргiзу кезiнде ғана қолданылады.
3. Осы Қосылған құн салығының артуын қайтару мақсатында Тәуекелдердi басқару жүйесiн қолдану жөнiндегi нұсқаулық (бұдан әрi – Нұсқаулық) мынадай салық төлеушiлерге таралмайды:
1) мониторингте тұрған iрi салық төлеушiлерге;
2) өз өндiрiсiндегi тауарларды өндiрушiлер, сондай-ақ мұндай өндiрушiлердiң тауарларын өткiзетiн олардың сауда үйлерiне;
3) жер қойнауын пайдалану келiсiм-шартының шеңберiнде қызметтi жүзеге асыратындар.
4. ҚҚС төлеушiден ҚҚС артуын қайтару туралы талаптар (салық өтiнiштерi) келiп түскен кезде салық органы қайтаруға табыс еткен ҚҚС сомаларының дұрыстығын растау бойынша тиiстi тақырыптық салық тексерулерiн жүргiзудi тағайындайды.
5. Тәуекелдердi басқару жүйесiнiң өлшемдерiн қолданумен бiр уақытта осы Нұсқаулықтың 1-қосымшасына сәйкес ҚҚС артуын қайтару туралы талаптарға (салық өтiнiштерiне) сәйкес қайтаруға табыс еткен ҚҚС төлеушi қызметiнiң көрсеткiштерi тестiден өтедi.
6. Тәуекел өлшемдерiнiң баллдары барлық өлшемдер бойынша жалпы жиынтық қорытындыны айқындау үшiн жинақталады. Бұл қорытынды салық төлеушiлердi тәуекелдер деңгейiне жатқызу үшiн қолданылады.
7. Егер баллдардың жиынтық қорытындысы тестiлеу нәтижесi бойынша отыз бес және одан жоғары балл болған жағдайда, салық төлеушi тәуекелдер деңгейiне жатады.
8. Егер баллдардың жиынтық қорытындысы тестiлеу нәтижесi бойынша отыз бес баллдан төмен болып, бiрақ салық төлеушiнiң қызметiнде осы Нұсқаулықтың 2 - 4-қосымшаларында көзделген жүйелерге келетiн салықтарды төлеуден жалтару белгiлерi байқалған жағдайда, салық органы мұндай салық төлеушiнi тәуекел дәрежесiне жатқызуға құқылы.
Бұл ретте салықтарды төлеуден жалтару белгiлерi:
1) тиiстi тауар, жұмыстар, қызмет көрсетулер қозғалысынсыз ҚҚС сомаларын есепке жатқызу құқығын алу мақсатында мәмiлелер жасасу;
2) тауардың қосылған құнын ұлғайту, тиiсiнше, ҚҚС бойынша дебеттiк сальдоны өсiру мақсатында мәмiлелер жасасу болып табылады.
9. Тәуекел дәрежесiне жатқызылған салық төлеушiлерге қатысты салық органы тауарларды, жұмыстарды, қызмет көрсетулердi жеткiзушiлер бойынша «Жеткiзушiлер бойынша пирамида» талдамалы есебiн (бұдан әрi – талдамалы есеп) қалыптастырады.
10. Егер талдамалы есептi қалыптастыру кезiнде:
iрi салық төлеушiлер мониторингiндегi;
өз өндiрiсiнiң тауарларын өндiретiн, оның iшiнде ауыл шаруашылығы тауарларын өндiретiн;
жер қойнауын пайдалануға арналған келiсiм-шарт шеңберiнде қызметiн жүзеге асыратын салық төлеушi болып табылатын жеткiзушi анықталған жағдайда, салық органы мұндай салық төлеушiнiң жеткiзушiлерi бойынша одан әрi талдамалы есеп қалыптастыруды тоқтатады.
11. Талдамалы есеп нәтижелерi бойынша тауарлар, жұмыстар, қызмет көрсетулердi жеткiзушiлерде салық заңнамасын бұзғаны анықталған жағдайда, ұсынылған ҚҚС асып кету сомаларын қайтару салық заңнамасын бұзбаған жеткiзушiлерге келетiн сомалар шегiнде жүргiзiледi.
12. ҚҚС асып кетуiнiң қалған сомасын қайтару, жеткiзушiлердiң салық заңнамасын бұзушылықтарын жоюна қарай жүргiзiледi. Қосылған құн салығының
артуын қайтару мақсатында
Тәуекелдердi басқару жүйесiн
қолдану жөнiндегi нұсқаулыққа
1-қосымша Қосылған құн салығының артуын қайтару туралы талаптарды (салықтық өтiнiштердi) қарау кезiнде салық қызметi органдары қолануы тиiс тәуекелдердi басқару жүйесiнiң өлшемдерi | №№ р.с. | Өлшемдердiң атауы | Балл саны | | 1. | Республика бойынша қалыптасқан салық жүктемесiнiң коэффициентiнiң (бұдан әрi - СЖК) орташа салалық мәнiнен төмен салық төлеушiнiң СЖК | 10 | | 2. | Кезектi үш жыл бойына салық төлеушi көрсеткен залал | 10 | | 3. | ҚҚС артуын қайтару туралы талап (салықтық өтiнiш) табыс етiлген күннiң алдындағы он екi айлық кезең үшiн екi еседен аса азайтуға ҚҚС бойынша қосымша есептiлiк табыс ету | 10 | | 4. | ҚҚС бойынша есепке жатқызудың тұрақты асып кетуi | 5 | | 5. | Салық төлеушiге ұзақ уақыт бойы (үш жылдан аса) кешендi салық тексеруi жүргiзiлмеген | 5 | | 6. | Қазақстан Республикасының заңнамасына сәйкес айқындалатын өзара байланысты тараптардың өзара есеп айырысуларының болуы | 5 | | 7. | Күмәндi мәмiлелердi жүзеге асыру (жалған кәсiпорындармен, салық есептiлiгiн табыс етпейтiн немесе нөлдi салық есептiлiгiн табыс ететiн, сондай-ақ әрекетсiз, ҚҚС бойынша есептен шығарылған, таратылған және банкрот салық төлеушiлермен) | 35 | | 8. | Салық мiндеттемелерiн орындамау және (немесе) толық орындамау ықтималдығы бар салаларда қызметiн жүзеге асыру (құрылыс, сауда) | 10 | | 9. | ҚҚС артуын қайтару туралы талап (салықтық өтiнiш) табыс етiлген күннiң алдындағы он екi айлық кезеңде камералды бақылау нәтижелерi бойынша анықталған расталған бұзушылықтардың болуы | 5 | | 10. | Тауарларды, жұмыстарды, қызмет көрсетулердi сатып алу бағасынан төмен бағада өткiзу (қолда бар ақпараттар бойынша, оның iшiнде алдыңғы салық тексерулерi бойынша) | 10 | | 11. | ҚҚС артуын қайтару туралы талап (салықтық өтiнiш) табыс етiлген күннiң алдындағы он екi айлық кезеңде шығарып берiлген № 10 хабарламаның болуы | 5 | | 12. | ҚҚС артуын қайтару туралы талап (салықтық өтiнiш) табыс етiлген күннiң алдындағы он екi айлық кезеңде мынадай фактiлердiң бiрiнiң немесе бiрнешеуiнiң болуы:
ҚҚС артуын қайтару туралы талап қамтылған ҚҚС бойынша бастапқы декларацияны табыс ету;
Салық төлеушiнiң қайта тiркелуi;
Салық төлеушiнiң орналасқан орнын ауыстыруы | 10 | 
|
