Қазақстан Республикасы Үкіметінің 2007 жылғы 29 қарашадағы N 1144 Қаулысы
Мемлекеттiк сатып алу саласындағы мамандарды қайта даярлау және олардың бiлiктiлiгiн арттыру ережесiн бекiту туралы"Мемлекеттiк сатып алу туралы" Қазақстан Республикасының 2007 жылғы 21 шiлдедегi Заңының 13-бабы 15) тармақшасына сәйкес Қазақстан Республикасының Үкiметi ҚАУЛЫ ЕТЕДI :
1. Қоса берiлiп отырған Мемлекеттiк сатып алу саласындағы мамандарды қайта даярлау және олардың бiлiктiлiгiн арттыру ережесi бекiтiлсiн.
2. Осы қаулы 2008 жылғы 1 қаңтардан бастап қолданысқа енгiзiледi және ресми жариялануға тиiс.
Қазақстан Республикасының
Премьер-Министрi
Қазақстан Республикасы
Үкiметiнiң
2007 жылғы 29 қарашадағы
N 1144 қаулысымен
бекiтiлген
Мемлекеттiк сатып алу саласындағы мамандарды қайта даярлау және олардың бiлiктiлiгiн арттыру ережесi
Осы Мемлекеттiк сатып алу саласындағы мамандарды қайта даярлау және олардың бiлiктiлiгiн арттыру ережесi (бұдан әрi - Ереже) "Мемлекеттiк сатып алу туралы" Қазақстан Республикасының 2007 жылғы 21 шiлдедегi Заңы (бұдан әрi - Заң) 13-бабының 15) тармақшасына сәйкес әзiрлендi және мемлекеттiк сатып алу саласындағы мамандарды қайта даярлау және олардың бiлiктiлiгiн арттыру тәртiбiн анықтайды.
1. Осы Ережеде мынадай негiзгi ұғымдар пайдаланылады:
бiлiм беру ұйымдары - қосымша бiлiм берудiң оқу бағдарламаларын iске асыратын оқу орындары;
тапсырыс берушi - ұлттық басқарушы холдингтердi, ұлттық холдингтердi, ұлттық басқарушы компанияларды, ұлттық компанияларды және олар аффилиирлеген заңды тұлғаларды қоспағанда, Заңға, сондай-ақ Қазақстан Республикасының азаматтық заңнамасына сәйкес тауарларды, жұмыстарды, көрсетiлетiн қызметтердi сатып алуды жүзеге асыратын мемлекеттiк органдар, мемлекеттiк мекемелер, сондай-ақ мемлекеттiк кәсiпорындар, дауыс беретiн акцияларының (жарғылық капиталындағы қатысу үлестерiнiң) елу және одан астам пайызы мемлекетке тиесiлi заңды тұлғалар және олар аффилиирлеген заңды тұлғалар.
Ескерту. 1-тармаққа өзгерiс енгiзiлдi - ҚР Үкiметiнiң 2012.03.19 № 342 (алғашқы ресми жарияланған күнiнен бастап қолданысқа енгiзiледi) Қаулысымен.
2. Мемлекеттiк сатып алу саласындағы мамандарды (бұдан әрi - мамандар) қайта даярлауды және олардың бiлiктiлiгiн арттыруды бiлiм беру ұйымдары жүргiзедi.
3. Бiлiм беру ұйымдары мамандарды қайта даярлау және олардың бiлiктiлiгiн арттыру жөнiндегi оқу бағдарламаларын (бұдан әрi - оқу бағдарламалары) әзiрлейдi, олар Қазақстан Республикасының бiлiм беру саласындағы заңнамасына сәйкес бекiтiледi.
4. Мамандарды оқыту бекiтiлген оқу бағдарламаларына сай жүргiзiледi.
Қайта даярлаудан және бiлiктiлiгiн арттырудан өткен мамандарға Қазақстан Республикасының бiлiм беру саласындағы заңнамасына сәйкес құжат берiледi.
5. Оқу бағдарламасының жалпы сағаты санының кемiнде 20 %-ын мемлекеттiк сатып алуды ұйымдастыру және жүргiзу рәсiмдерiнiң орындалуына жауапты тапсырыс берушiлердiң, қызметкерлерi қатарынан iс жүзiндегi қызметкерлердi, сондай-ақ жоғарыда көрсетiлген рәсiмдердi бақылауды жүзеге асыратын мемлекеттiк органдардың қызметкерлерiн тарта отырып, мемлекеттiк сатып алуды ұйымдастыру және жүргiзу практикасын зерделеудi құрауы тиiс.
6. Бiлiм беру ұйымдары:
оқытушылық қызметке мемлекеттiк сатып алу жөнiндегi уәкiлеттi органмен кандидатураларын келiскеннен кейiн iс жүзiндегi қызметкерлер мен мемлекеттiк органдардың қызметкерлерiн тартады;
жыл сайын мемлекеттiк сатып алу жөнiндегi уәкiлеттi органға осы Ереженiң 4-тармағында көрсетiлген құжатты алған адамдардың тiзiмiн бередi.