Қазақстан Республикасы Јділет министрлігінің 2007 жылғы 12 қазандағы N 289 Бұйрығы. Қазақстан Республикасының Јділет министрлігінде 2007 жылғы 29 қарашада Нормативтік құқықтық кесімдерді мемлекеттік тіркеудің тізіліміне N 5013 болып енгізілді.

Халыққа қызмет көрсету орталықтары арқылы мемлекеттік қызмет көрсетудің стандарттарын бекіту туралы

"Мемлекеттік қызмет көрсетудің үлгі стандартын бекіту туралы" Қазақстан Республикасы Үкіметінің 2007 жылғы 30 маусымдағы N 558 қаулысын іске асыру мақсатында, "Јділет органдары туралы" Қазақстан Республикасы Заңының 7-бабы 2 тармағының 3) тармақшасын басшылыққа ала отырып, БЎЙЫРАМЫН:

1. Қоса беріліп отырған:
1) осы бұйрыққа 1-қосымшаға сәйкес халыққа қызмет көрсету орталықтары арқылы жер учаскесіне жеке меншік құқығы актісін беру мемлекеттік қызмет көрсетудің стандарты;
2) осы бұйрыққа 2-қосымшаға сәйкес халыққа қызмет көрсету орталықтары арқылы тұрақты жер пайдалану құқығы актісін беру мемлекеттік қызмет көрсетудің стандарты;
3) осы бұйрыққа 3-қосымшаға сәйкес халыққа қызмет көрсету орталықтары арқылы уақытша өтеулi (ұзақ мерзiмдi, қысқа мерзiмдi) жер пайдалану (жалдау) құқығы актiсiн беру мемлекеттік қызмет көрсетудің стандарты;
4) осы бұйрыққа 4-қосымшаға сәйкес халыққа қызмет көрсету орталықтары арқылы уақытша өтеусіз жер пайдалану құқығы актісін беру мемлекеттік қызмет көрсетудің стандарты.

2. Осы бұйрықтың орындалуын бақылау жетекшілік ететін Қазақстан Республикасының Јділет вице-министріне жүктелсін.

3. Осы бұйрық ресми жарияланған күнінен бастап қолданысқа енгізіледі.

Министрдің
міндетін атқарушы

"Келісілген"
Қазақстан Республикасы
Жер ресурстарын басқару
агенттігінің төрағасы
18 қазан 2007 жыл

Қазақстан Республикасы
Јділет министрінің м. а.
2007 жылғы 12 қазандағы
N 289 бұйрығына
1-қосымша

Мемлекеттік қызмет көрсетудің cтандарты

"Халыққа қызмет көрсету орталықтары арқылы жер учаскесiне
жеке меншiк құқығына актi беру"

1. Жалпы ережелер

1. Осы стандарт Халыққа қызмет көрсету орталықтары арқылы жер учаскесiне жеке меншiк құқығына актiні ресімдеудің тәртібін анықтайды.

2. Мемлекеттік қызметтің нысаны: автоматтандырылмаған.

3. Мемлекеттік қызмет Қазақстан Республикасы Жер кодексінің негізінде көрсетіледі.

4. Мемлекеттік қызмет Халыққа қызмет көрсету орталықтары арқылы (бұдан әрі - Орталық) жер қатынастары саласындағы функцияларды жүзеге асыратын облыстың (республикалық маңызы бар қаланың, астананың), ауданның (облыстық маңызы бар қаланың) жергілікті атқарушы органдарының құрылымдық бөлімшесі (бұдан әрі - уәкілетті орган) арқылы жүзеге асырылады.

5. Тұтынушы алатын мемлекеттік қызметті көрсетуді аяқтау нысаны жер учаскесiне жеке меншiк құқығы актiсі болып табылады.

6. Мемлекеттік қызмет жеке және заңды тұлғаларға көрсетіледі.

7. Мемлекеттік қызмет көрсету кезіндегі уақыт бойынша шектеу мерзімдері:
1) құжаттарды ресімдеу мерзімі - 10 жұмыс күні ішінде;
2) материалдарды қосымша зерделеу немесе тексеру жүргізу қажет болған жағдайда, ресімдеу мерзімі 15 жұмыс күніне дейін ұзартылады;
3) кезекте күту мерзімі 40 минуттан аспайды.

8. Қызметке төлем белгілі жылға арнайы уәкілетті органның тиістілі бұйрығымен бекітілген бағаларға сәйкес жүргізіледі.

9. Мемлекеттік қызмет көрсету тәртібі туралы толық ақпарат Қазақстан Республикасы Јділет министрлігінің, Қазақстан Республикасы Жер ресурстарын басқару агенттігінің және орталықтардың тізбесі осы стандартқа 1-қосымшада көрсетілген веб-сайттарында, сондай-ақ ақпараттардың ресми көздерінде және орталықтар үй-жайларындағы стендтерде орналастырылады.

10. Мемлекеттік қызмет аптаның алты күнінде, жексенбіні қоспағанда, белгіленген жұмыс кестесіне сәйкес түскі асқа үзіліссіз сағат 9.00-ден 20.00-ға дейін ұсынылады. Қабылдау "электронды" кезек тәртібінде, алдын-ала жазбасыз және жеделдетілген қызмет көрсетусіз жүзеге асырылады.

11. Мемлекеттік қызмет тұтынушының тұратын жері бойынша Орталық ғимаратында көрсетіледі. Залда анықтама бюросы, күту үшін креслолар, толтырылған бланк үлгілері бар ақпараттық стендтер орналасқан.

2. Мемлекеттік қызмет көрсету тәртібі

12. Актіні беруге мүдделі жеке және заңды тұлғалар құжаттардың мынадай тізбесін ұсынады:
1) өтініш (уәкілетті органға сәйкестендіру құжатын дайындау);
2) жер учаскесіне жеке меншік құқығын беру туралы қаулыдан үзінді;
3) жер учаскесіне сәйкестендіру құжатын әзірлеу үшін тапсырыс бланкісі;
4) салық төлеуші куәлігінің көшірмесі (СТН);
5) заңды тұлғаны мемлекеттік тіркеу туралы куәліктің нотариаттық куәландырылған көшірмесі;
6) жеке басын куәландыратын құжаттың көшірмесі (сенімхат болған кезде - сенімхаттың көшірмесі және сенім білдірілген адамның жеке куәлігінің болуы).

13. Бланкілер күту залындағы арнайы тағанда орналастырылады не Орталықтың консультантында болады.

14. Құжаттарды қабылдау (бланкілер, нысандар, өтініштер және басқа да құжаттар) "терезенің" арналғаны және атқаратын функциясы туралы ақпарат ілінген, сондай-ақ Орталық инспекторының тегі, аты, әкесінің аты және лауазымы көрсетілген "терезе" арқылы жүзеге асырылады.

15. Тұтынушыға:
1) сұрауды қабылдау күні және нөмірі;
2) сұранып отырылған мемлекеттік қызметтің түрі;
3) қоса берілген құжаттардың саны және атауы;
4) құжаттарды беру күні (уақыты) және орны;
5) құжаттарды ресімдеуге өтінішті қабылдаған Орталық инспекторының тегі, аты, әкесінің аты көрсетілуімен, тиісті құжаттардың қабылданғаны туралы қолхат беріледі.

16. Дайын құжаттарды тұтынушыға беруді Орталық инспекторы "терезе" арқылы күн сайын мерзімі көрсетілген қолхат негізінде жүзеге асырылады.
Егер тұтынушы құжаттарды алу үшін мезгілінде жүгінбесе, Орталық олардың сақталуын 1 ай қамтамасыз етеді, содан кейін уәкілетті органға жібереді.

17. Құжаттарды ресімдеу кезінде қателіктер (түзетулер, тазартулар) анықталған жағдайда, уәкілетті орган құжаттар пакетін алғаннан кейін бір жұмыс күні ішінде қайтару себептерін жазбаша дәлелдеп, Орталыққа қайтарып береді.
Құжаттар пакетін алғаннан кейін Орталық бір жұмыс күні ішінде өтініш берушіге хабарлайды және уәкілетті органның қайтару себебі көрсетілген жазбаша негіздемесін береді.

3. Жұмыс қағидаттары

18. Орталық қызметі:
1) адамның конституциялық құқықтары мен бостандықтарын сақтау;
2) қызметтік борышты сақтау кезінде заңдылықты сақтау;
3) сыпайылық;
4) түбегейлі және толық ақпарат беру;
5) ақпаратты қорғау және құпиялылық қағидаттарына негізделеді.

4. Жұмыс нәтижелері

19. Тұтынушыларға мемлекеттік қызмет көрсету нәтижелері осы стандартқа 2 қосымшаға сәйкес сапа және қол жетімділік көрсеткіштерімен өлшенеді.

20. Мемлекеттік қызмет көрсететін мемлекеттік органның, мекеменің немесе өзге де субъектілердің жұмысы бағаланатын мемлекеттік қызметтердің сапа және қол жетімділік көрсеткіштерінің нысаналы мәнін жыл сайын арнайы құрылған жұмыс топтары бекітеді.

5. Шағымдану тәртібі

21. Шағымдар ауызша немесе жазбаша нысанда пошта бойынша немесе қолданыстағы заңнамада көзделген жағдайларда электронды түрде не Орталықтың кеңсесі арқылы жұмыс күндерінде қолма-қол қабылданады.

22. Мемлекеттік қызметті ұсыну сапасына наразылықтар болған жағдайда шағымдар Орталық директорының немесе Қазақстан Республикасы Јділет министрлігі басшылығының атына беріледі.

23. Қабылданған шағым Орталықтың ақпараттарды есепке алу журналында тіркеледі және заңнамада белгіленген мерзімде қаралады.
Заңнамада белгіленген тәртiппен берiлген өтiнiш мiндеттi түрде қабылдануға, тiркелуге, есепке алынуға және қаралуға тиiс.

6. Байланыс ақпараты

24. Орталық директорының қабылдау және жұмыс кестесі Орталықтың жұмыс кестесіне сәйкес.
Орталықтың байланыс телефондары орталық ғимаратындағы сөрелерде және ресми ақпарат көздерінде орналасқан.

25. Қазақстан Республикасы Јділет министрлігінің мекен-жайы: 010000, Астана қаласы, N 35 көшесі, N 8 үй, веб-сайт: www.minjust.kz., Қазақстан Республикасы Жер ресурстарын басқару агенттігінің мекен-жайы: 010000, Астана қаласы, N 35 көшесі, N 8 үй, веб-сайт: www. www.auzr.kz.

Мемлекеттік қызмет көрсету
стандартына 1-қосымша

Мемлекеттік қызмет көрсету
стандартына 2 қосымша

Кесте. Сапа мен қол жетімділік көрсеткіштерінің мәні