| Приказы | |
 |
|
|
Тарихи-мәдени мұра объектiлерiнiң қорғау аймақтарын, құрылыс салуды реттеу аймақтарын және қорғалатын табиғи ландшафт аймақтарын айқындаудың ережелерiн және пайдалану режимiн бекiту туралы Күшi жойылды - ҚР Мәдениет министрiнiң м.а. 2011.12.05 № 163 (қол қойылған күнiнен бастап күшiне енгiзiледi) бұйрығымен. "Тарихи-мәдени мұра объектiлерiн қорғау және пайдалану туралы" Қазақстан Республикасы 1992 жылғы 2 шiлдедегi Заңының 19-бабы 13) тармақшасына сәйкес БҰЙЫРАМЫН: 1. Қоса берiлiп отырған Тарихи-мәдени мұра объектiлерiнiң қорғау аймақтарын, құрылыс салуды реттеу аймақтарын және қорғалатын табиғи ландшафт аймақтарын айқындаудың ережелерi және пайдалану режимi бекiтiлсiн. 2. Тарихи-мәдени мұра департаментi белгiленген тәртiппен: 1) осы бұйрықты Қазақстан Республикасының Әдiлет министрлiгiне мемлекеттiк тiркеуге жолдасын; 2) осы бұйрық мемлекеттiк тiркеуден өткеннен кейiн оның ресми жариялануын қамтамасыз етсiн. 3. Осы бұйрықтың орындалуын бақылау вице-министр А.И. Бөрiбаевқа жүктелсiн. 4. Осы бұйрық оның бiрiншi рет ресми жарияланған күнiнен бастап қолданысқа енгiзiледi. Министр Қазақстан Республикасы Мәдениет және ақпарат министрiнiң 2007 жылғы 20 тамыздағы N 218 бұйрығымен бекiтiлген Тарихи-мәдени мұра объектiлерiнiң қорғау аймақтарын, құрылыс салуды реттеу аймақтарын және қорғалатын табиғи ландшафт аймақтарын айқындаудың ережелерi және пайдалану режимi 1. Жалпы ережелер 1. Тарихи-мәдени мұра объектiлерiн қорғау аймақтарының, құрылыс салуды реттеу аймақтары мен қорғалатын табиғат ландшафты аймақтарының шекараларын тиiстi жергiлiктi атқарушы органдардың ұсынуы бойынша облыстардың (республикалық маңызы бар қаланың, астананың) жергiлiктi өкiлдi органдары (мәслихаттар) бекiтедi және олар тиiстi жердiң тарих және мәдениет ескерткiштерi мен жаңадан анықталған объектiлердiң орналасуы тiркелетiн тарихи-сәулет тiрек жоспарына және карта-схемасына енгiзiледi. 2. Айрықша тарихи, ғылыми, көркемдiк немесе өзге де мәдени құндылық болып табылатын тарихи-мәдени мұра объектiлерiнiң ансамбльдерi мен кешендерi тарихи-мәдени қорықтар деп жариялануы мүмкiн, оларды қорғау аймақтары, құрылыс салуды реттеу аймақтары және қорғалатын табиғат ландшафт аймақтары олар туралы ереже негiзiнде белгiленедi. 2. Тарихи-мәдени мұра объектiлерiнiң қорғау аймақтары 3. Тарихи-мәдени мұра объектiлерiнiң айналасындағы қорғау аймағы қорғау белгiлерiмен немесе олардың шекара сызықтары бойынша жыртылған жермен немесе қоршаулармен, не бұталар отырғызу арқылы белгiленедi. 4. Археологиялық ескерткiштер олардың шекарасынан, ескерткiштер тобы шеткi объектiлердiң 50 метр болатын қорғау аймағымен қоршалуы тиiс, көз жетерлiк кеңiстiк қамтамасыз етiлуi тиiс археологиялық ескерткiштер үшiн қорғау аймағының радиуысы 200-300 метрге тең болуы тиiс. 5. Сәулет және қала құрылысы ескерткiштерi жерден оның ең биiк нүктесiне дейiнгi арақашықтық көлемiне тең, бiрақ 20 метрден кем болмайтын қорғау аймағымен қоршалуы тиiс. 3. Тарихи-мәдени мұра объектiлерiнiң құрылыс салуды реттеу және қорғалатын табиғи ландшафт аймақтары 6. Құрылыс салудың реттеу аймағы қорғау аймақтарының көлемiне екi есе тең мөлшерде бекiтiледi. Құрылыс салуды реттеу аймағы қорғау аймағының шетiнен бастап өлшенедi. 7. Тарихи-мәдени мұра объектiлерiнiң қорғалатын табиғи ландшафт аймағы құрылыс салуды реттеу аймағына тең мөлшерде белгiленедi. Қорғалатын табиғи ландшафт аймағы құрылыс салуды реттеу аймағының шетiнен бастап өлшенедi. 4. Тарихи-мәдени мұра объектiлерiнiң қорғау аймақтарын, құрылыс салуды реттеу аймақтарын және қорғалатын табиғи ландшафт аймақтарын пайдалану режимi 8. Қорғау аймақтары тарихи-мәдени мұра объектiлерi және оның аумағына жапсарлас тарихи қалыптасқан ортаның сақталуын қамтамасыз ету үшiн, тарихи-мәдени мұра объектiсiнiң тарихи, ғылыми, көркемдiк немесе өзге де мәдени құндылықтардың анықталуына ықпал ететiн жағдай туғызу үшiн белгiленедi. Қорғау аймақтарының аумағында тарихи-мәдени мұра объектiсiнiң сақталуына, оның тарихи-мәдени қабылдануына терiс әсерiн тигiзетiн жұмыстар жүргiзiлмеуi тиiс. 9. Құрылыс салуды реттеу аймағы тарихи-мәдени мұра объектiлерiнiң қалаларды, елдi мекендердi, табиғат көрiнiстерiн жоспарлаудың және салудың тарихи қалыптасқан жүйесiндегi кеңiстiктiк, композициялық рөлiн сақтау үшiн, тарихи-мәдени мұра объектiлерiнiң қазiргi қала құрылысы немесе табиғи ортамен үйлесiмдiлiгiн қамтамасыз ету үшiн белгiленедi. Құрылыс салуды реттеу аймағының аумағындағы құрылыс сипаты реттеуге жатады: құрылыс салудың ауқымдылығы, қабаты, тығыздығы және қызметтiк мiндетi тарихи-мәдени мұра объектiлерiнiң тарихи қалыптасқан ортасына қайшы келмеуi тиiс. 10. Қорғалатын табиғи ландшафт аймақтары тарихи, сәулет-көркемдiк немесе өзге де мәдени құндылығы бар табиғи және жасанды ландшафтардың, баулардың, саябақтардың сақталуын қамтамасыз ету үшiн белгiленедi. Қорғалатын табиғи ландшафт аймағы шегiнде жергiлiктi жердiң табиғи қалыптасқан бедерi, өсiмдiк өзгешелiгi, жол жүйелерi, су қоймалары, жоспарлау, композициялық немесе өзге де элементтерi сақталуы мен қалпына келтiрiлуi тиiс. Жердi пайдалану, ауыл шаруашылық немесе өзге де әрекет түрлерi реттелуге жатады: ландшафтың, сумен қамту жүйесiнiң, өсiмдiктердiң және басқа да аймақ режимiмен қарастырылған элементтердiң сипатын өзгертпейтiн түрлерiне рұқсат етiлуi мүмкiн. |
