Қазақстан Республикасы Үкіметінің 2007 жылғы 11 маусымдағы N 481 Қаулысы

Туроператорлық, турагенттік қызметті, туризм нұсқаушысы көрсететін қызметті лицензиялау ережесін және оларға қойылатын біліктілік талаптарын бекіту туралы

Ескерту. Тақырып жаңа редакцияда - ҚР Үкiметiнiң 2011.12.21 N 1587 (алғашқы ресми жарияланғанынан кейiн күнтiзбелiк жиырма бiр күн өткен соң, бiрақ 2012 жылғы 30 қаңтардан ерте емес қолданысқа енгiзiледi) Қаулысымен.
Ескерту. Қаулының қолданысқа енгiзiлу тәртiбiн 3-тармақтан қараңыз.
Қазақстан Республикасының "Қазақстан Республикасындағы туристiк қызмет туралы" 2001 жылғы 13 маусымдағы және "Лицензиялау туралы" 2007 жылғы 11 қаңтардағы заңдарына сәйкес Қазақстан Республикасының Үкiметi ҚАУЛЫ ЕТЕДI :
1. Қоса берiлiп отырған туроператорлық қызметке қойылатын бiлiктiлiк талаптары бекiтiлсiн.
Ескерту. 1-тармақ жаңа редакцияда - ҚР Үкiметiнiң 2011.12.21 N 1587 (алғашқы ресми жарияланғанынан кейiн күнтiзбелiк жиырма бiр күн өткен соң, бiрақ 2012 жылғы 30 қаңтардан ерте емес қолданысқа енгiзiледi) Қаулысымен.
2. Мыналардың күшi жойылды деп танылсын:
1) "Туристiк қызметтi лицензиялау ережесiн бекiту туралы" Қазақстан Республикасы Үкiметiнiң 2001 жылғы 14 қыркүйектегi N 1213 қаулысы (Қазақстан Республикасының ПҮАЖ-ы, 2001 ж., N 33, 428-құжат);
2) "Қазақстан Республикасы Үкiметiнiң кейбiр шешiмдерiне өзгерiстер мен толықтырулар енгiзу туралы" Қазақстан Республикасы Үкiметiнiң 2005 жылғы 19 тамыздағы N 853 қаулысының 1-тармағының 2) тармақшасы (Қазақстан Республикасының ПҮАЖ-ы, 2005 ж., N 32, 445-құжат);
3) "Қазақстан Республикасы Үкiметiнiң кейбiр шешiмдерiне өзгерiстер енгiзу және Қазақ КСР Министрлер Кабинетiнiң, Қазақстан Республикасы Министрлер Кабинетiнiң, Қазақстан Республикасы Үкiметiнiң кейбiр шешiмдерiнiң күшi жойылды деп тану туралы" Қазақстан Республикасы Үкiметiнiң 2005 жылғы 29 қыркүйектегi N 964 қаулысымен бекiтiлген Қазақстан Республикасы Үкiметiнiң кейбiр шешiмдерiне енгiзiлетiн өзгерiстердiң 7-тармағы (Қазақстан Республикасының ПҮАЖ-ы, 2005 ж., N 36, 500-құжат).
3. Осы қаулы ресми жариялануға тиiс және 2007 жылғы 9 тамыздан бастап қолданысқа енгiзiледi.
Қазақстан Республикасының
Премьер-Министрi
Қазақстан Республикасы
Үкiметiнiң
2007 жылғы»11 маусымдағы
N 481 қаулысымен
бекiтiлген
Туроператорлық, турагенттiк қызметтi, туризм нұсқаушысы көрсететiн қызметтi лицензиялау ережесi
Ескерту. Ереже алып тасталды - ҚР Үкiметiнiң 2011.12.21 N 1587 (алғашқы ресми жарияланғанынан кейiн күнтiзбелiк жиырма бiр күн өткен соң, бiрақ 2012 жылғы 30 қаңтардан ерте емес қолданысқа енгiзiледi) Қаулысымен.
Қазақстан Республикасы
Үкiметiнiң
2007 жылғы 11 маусымдағы
N 481 қаулысымен
бекiтiлген
Туроператорлық қызметке қойылатын бiлiктiлiк талаптары
Есекрту. Бiлiктiлiк талаптары жаңа редакцияда - ҚР Үкiметiнiң 2011.12.21 N 1587 (алғашқы ресми жарияланғанынан кейiн күнтiзбелiк жиырма бiр күн өткен соң, бiрақ 2012 жылғы 30 қаңтардан ерте емес қолданысқа енгiзiледi) Қаулысымен.
1. Жалпы ережелер
1. Осы туроператорлық қызметке қойылатын бiлiктiлiк талаптары (бұдан әрi - талаптар) Қазақстан Республикасының «Қазақстан Республикасындағы туристiк қызмет туралы» 2001 жылғы 13 маусымдағы, «Лицензиялау туралы» 2007 жылғы 11 қаңтардағы заңдарына сәйкес әзiрлендi және өтiнiш берушiнiң туроператорлық қызметпен айналысу қабiлетiн сипаттайтын сандық және сапалық нормативтер мен көрсеткiштердiң жиынтығын айқындайды.
2. Туроператорлық қызметтi лицензиялауды Қазақстан Республикасы Туризм және спорт министрлiгiнiң Туризм индустриясы комитетi (бұдан әрi - лицензиар) жүзеге асырады.
2. Туроператорлық қызметке қойылатын бiлiктiлiк талаптары
3. Туроператорлық қызметтi жүзеге асыру кезiнде қойылатын талаптар:
1) қалыптастырылған туристiк өнiмнiң
2) қалыптастырылған туристiк өнiмге кiретiн жекелеген туристiк қызметтердi көрсету үшiн үшiншi тұлғалармен (екi және одан астам) шарттардың
3) туристiк ваучер (жолдамалар) үлгiсiнiң
4) кемiнде бiр жыл жұмыс өтiлi бар туристiк бiлiмi бар кемiнде бiр қызметкердiң
5) кеңсеге арналған меншiк немесе жалға алынған үй-жайдың
6) туроператор туристiк өнiмге кiретiн тұру, жол жүру жөнiндегi қызметтi, туризм нұсқаушысының қызметiн дербес көрсеткен жағдайда, меншiк немесе жалға алынған материалдық базасының
7) Қазақстан Республикасының Үкiметi бекiткен үлгi шартқа сәйкес келетiн туристiк қызмет көрсетуге арналған шарт жобасының
8) туроператордың азаматтық-құқықтық жауапкершiлiгiн мiндеттi сақтандыру шартының болуын қамтиды.
Қазақстан Республикасы
Үкiметiнiң
2008 жылғы 23 қыркүйектегi
N 879 қаулысына
қосымша
Қызметкерлердiң саны және болуы туралы құжат
_______________________________
(өтiнiш берушiнiң атауы)